إنت مجرم واطى.. ياللى بتنفذ أجندة.. جيش وطنا حصن عاتى!!.. إنت مجرم مش جهادى.. ياللى بتروع بلادى.. ياللى بتقتل ولادى.. إنت فاكر إنت مصرى؟.. إنت ألعن من الأعادى!!.. ياللى قطعت السلوك.. ياللى فلست البنوك.. ياللى هدمت المبانى.. إنت فاكر راح نعانى؟.. طظ فيك ملعون أبوك!!.. ترمى طوبة.. ترمى دانة.. فى أى ركن وأى خانة.. لعبتك لعبة جبانة.. هى دى تبقى الديانة؟!.. إنت معدوم الأمانة!!.. ياللى تزرع أرضى نار.. يالى تسعى فى الدمار.. إنت وسط الشعب عار.. مهما تعمل إنت فار.. إنت ميكروب الخيانة!!.. ياللى بتفكر فى شر.. فى كل حى وكل بر.. يوم هييجى مش بعيد.. وقعتك سودة وأمر.. يوم هييجى أكيد أكيد.. وأخرتك سوء المقر!!
على إبراهيم السايس - مدير عام وزارة الثقافة سابقاً
البحيرة - كوم حمادة - دست الأشراف
