قال المستشار مرتضى منصور، رئيس نادي الزمالك: «أقسم بالله أحمد حسام ميدو قال قدامي لو والدتى دربت لاعبى الزمالك هتاخد كل البطولات».
أخبار متعلقة
وأضاف «منصور»، في مداخلة هاتفية لبرنامج على «على مسؤوليتي»، مساء الأحد: «في لاعيبة لا تستحق ارتداء تي شيرت الزمالك، وأنا مش مشتري أحسن لاعيبة في مصر عشان ألعب بحارس مرمى واحد، والمعسكر الواحد بيتكلف 400 ألف جنيه، وأنا زعلان جدًا».
وتابع: «الأخ عمر جابر ملوش مزاج يلعب في الزمالك، طيب يمشى أحسن، وهيجتمع مجلس الإدارة دلوقت، وفى لاعبين مش هيلمسوا الكورة، وهَتّدَّخل، ومش ممكن بعد كوكبة من هؤلاء اللاعبين مش عارفين نكسب، وفي لاعيبة كانوا كويسين زي محمد كوفي وإبراهيم صلاح وغيرهم»، مضيفًا: «أنا هدخل في الفريق، وهصمم على أن حسام حسن يلعب بمهاجمين حتى لو لعب بأحمد دويدار وعلي جبر، وإبراهيم حسن اشترط على عدم ذهاب أي عضو من مجلس الإدارة للمعسكرات، إمته يا حسام هتكسب الأهلي».
