بعرقنا وفلوسنا هنغير شكل حياتنا.. بشبابنا وجنودنا هنحفر تانى قناتنا.. نحميها بسلاحنا ونحفرها بدراعنا.. مشروع القناة ملكنا وبتاعنا.. قناتنا ملك ولادنا وجدى زمان اللى حفرها.. تعود بالخير لبلدنا ومفيش حد يأجرها.. أحفر يا مصرى قناتك بعرقك وجهدك.. غير بإيدك حياتك وطلع فاس جدك.. ابنى هرم خلودك وازرع حواليها وعمر.. وامسح عرق جدودك بريحة المسك والعنبر.. مقطف الرمل مدفون معاه وعليه بصماته.. احفظها جوه العيون ده دفع تمنها حياته.. يا مركب الخير اسبحى جوه رمل سينا.. والمرشد يفديكى على خطا خطاوينا.. واللى حفرناها زمان بالسخرة وأممها جمال في المنشية.. بنحفر تانى قناة النصرة ورافعين قدامنا راية الحرية.. اعبر يا شعب تانى واهتف نشيد العبور.. وارسم على الخريطة مبانى واكتب حروف من نور.
سليم نقولا- القاهرة الجديدة
