غضب وسخرية من «مناورة» الحكومة: «لا كهربا ولا ميه.. حتاكلوا مصر يعني»

أثار قطع الكهرباء والمياه عن القاهرة الكبرى ومحافظات عدة، بجانب توقف حركة مترو الأنفاق للمرة الأولى في مصر صباح الخميس، ردود فعل غاضبة مما ببررته الحكومة بأن سبب ذلك خطأ في «مناورة» بخط السد العالي، أدى لخروج عدد من المحطات عن الخدمة فورًا.

مصر منورة بأهلها 😄 منورين يا جماعة

— شيء لله يا فرحة (@Rababoush) September 4, 2014

وشملت انقطاعات الكهرباء مدينة الإنتاج الإعلامي، وتوقفت بعض القنوات عن البث، فيما سودت شاشات أخرى.

انقطاع الكهرباء عن مدينة الأنتاج الإعلامي وقنوات توقف برامج البث المباشر.

— Cairo Live 24/7 (@cairotoday) September 4, 2014

النهار شاشتها كانت سودا اكتر من ساعة ودلوقتي مشغلين اغنيه فيها حاجة حلوة.

— Mesho (@Michaaux) September 4, 2014

حرفيا مصر كلها قدامي ع التايم لاين مفيهاش كهربا ! حتى مدينة الانتاج بعض القنوات ومنهم ONTV أعلنوا ان الكهرباء عندهم قاطعة ومش هيبثوا هوا !

— Ahmed 3abdAllah (@AAbdoallah) September 4, 2014

وعمت التعليقات الساخرة والغاضبة الشبكات الاجتماعية، مصحوبة بتساؤلات حول ماهية «المناورة» التي نفذتها وزارة الكهرباء، وتوقيتها «الخاطئ» المتزامن مع توجه الموظفين والعاملين لأشغالهم وقضاء مصالحهم، فضلا عن فشل المواطنين في قضاء احتياجاتهم اليومية والمعيشية.

النور قاطع في جميع أنحاء الجمهورية من ٦ الصبح و المترو واقف و الحياة كلها متوقفة !

— دينا دويدار (@LaDunz) September 4, 2014

وكتب «عبدالرحمن»، في حسابه على «تويتر»، ساخرًا: «كهربا مفيييش .. مياه مفييييش .. شبكات موبايل مفييييييش .. هتاكلو مصر يعني هتموتوها؟!».

النور قطع ربع ساعة، وجه ربع ساعة. قطع تلت ساعة، وجه تلت ساعة. قطع نص ساعة، وجه نص ساعة. بعدين قطع تاني. ومجاش. أنا لو مكانه ماجيش. هاجي ليه؟

— Wattar (@Wattar__) September 4, 2014

ويابخت الي ساكن فأول دور .. و مبيحتاجش ماتور #كهربا #مياة #احد_احد

— لوزة (@Norhan_Ramadan) September 4, 2014

وأضاف «باهر»: «هما اللي بيقولولنا كفاية هرتله على النور والمية وقوموا اشتغلوا دول عايزين إيه بالظبط؟ نسيب أشغالنا ونروح نولد كهربا ونرفع مية بدل الحكومة؟».

واحدة على راديو مصر بتقول ان الدنيا تضحك لك لو ضحكت لها. المذيع قالها انا الكهربا عندي قاطعة. قالتله وانا كمان بس الزعل مش هايرجع الكهربا

— Ibrahim Gamal Eldin (@Fo2ElSoto7) September 4, 2014

وتهكمت مروة مأمون: «عمرو دياب عامل ألبوم جديد اسمه شوفت الأيام.. ابن المحظوظة عنده كهربا!».

مناوره ازاي يعني ؟ حلق عليه طيب

— حازم بركات (@7azem122) September 4, 2014

مدنية البط عمله مخطط عشان تحتل مصر #كهربا_مصر

— بطوط (@But_Toot) September 4, 2014

وكتبت صفحة «أساحبي» لأعمال الكوميكس الساخرة: «دة لو البلد شغالة بحجارة قلم هناخد بالنا قبل ما تفصل كلها كدة».

وسخر الكاتب عمرو عزت، قائلا في صفحته على «فيس بوك»: «الكهربا اتلغت؟».. ومثله كتب الإعلامي شريف عامر، في حسابه على «تويتر»: «أنا مش من المؤمنين بنظرية (المناورة)».

انا مش من المؤمنين بنظرية "المناورة".

— Sherif Amer (@Sherif_Amer_) September 4, 2014

وانضمت مناطق ومدن جديدة إلى انقطاعات الكهرباء، من بينها الساحل والغردقة والرحاب، بالإضافة إلى مستشفيات حكومية.

طيب عطل في محولات كهربا القاهرة ماشي الكهربا تقطع ليه في الغردقة

— ابن رُشد (@ROSHDYmuh) September 4, 2014

النور قاطع في الرحاب، المرحلة الأولي، أول مرة تحصل

— Atef ™ (@i3atef) September 4, 2014

مراتي شغالة في مستشفى في قصر العيني و مفيهاش كهرباء

— Mohamed El-Kholy (@kholy) September 4, 2014

احنا رجعنا لمرحلة تناحة الشعب أيام مبارك..اقطع ميا و كهربا و اعمل أى حاجة فى الشعب مش هتلاقى أى انفعال من الشعب و لا حتى هيدعى عليك

— روبابكية (@Yosif_diaa) September 4, 2014