ما بين جدار الملاجئ لقيت لىّ أب جديد.. وأمهات ع الورق مش لىّ بالتحديد.. وإخوات كتير بتلاعبنى عايزينى أبقى سعيد.. وقلوب بتعطف علينا على كترها بتزيد!!.. أهالينا قسوة قلوبهم ذلتنا وإحنا صغار.. داروا الجريمة بعذابنا ومخبيين أسرار.. ما همهم إيه حياتنا ريشـة فى مهب إعصار.. أهالينا يا كترهم لكن ما نعرف دار!!.. فى الليل تنام الخلايق وعيونى ما بتنام.. باحلم بماما فى حضـنى وتدفينى الأنسام.. وبابا يعطف عليّا وبجد مش بكلام.. لكن ما غفلت عـيونى ولا شفتهم فى أحلام!!.. من صغر سنى ما عارف لىّ أب وأم.. لا ليّا صدر أحتمى به ولا ليّا خال أو عم.. فى الدنيا عايش وحيد بين الآلام والهم.. وعيونى جفت دمـوعها ونزل بدلها دم!!.. يا رب حننّ قلوب كل البشر لينا.. وارحمنا من ذلّنا من ضعفنا احمينا.. ما نشوف ضنا فى عمرنا ولا ظلم أهالينا.. ونكون ككل البشر فيه أسرة بتأوينا.
د. صبرى إسماعيل
