هند سعيد صالح عن عدم حضور فنانين لجنازة والدها: «دفنته بسرعة»

السبت 02-08-2014 20:01 | كتب: بسام رمضان |

سعيد صالح تصوير : اخبار

طالبت هند سعيد صالح، ابنه الفنان الراحل، بعد توجيه النقد للفنانين لعدم حضورهم جنازة والدها، في مسقط رأسه بالمنوفية.

أخبار متعلقة

وكتبت «هند»، في حسابها على «فيس بوك»، السبت: «أنا بطلب من كل اللي فكر وقرر أن الفنانين ليس لديهم أصل وعندهم جحود عشان محدش جه جنازة بابا بدل ما يشغل نفسه بده يشغل نفسه بالدعاء ليه».

وأضافت: «لحظة ما ‫‏سعيد صالح توفى، قررت سرعة الدفن، لأن إكرام الميت دفنه، ولأن بابا كان موصي يدفن في مسقط رأسه بالمنوفية، ولأن كان عندي سفر ساعتين عشان أوصل للمقابر، وكنت عايزة ألحق نور ربنا، باختصار أولوياتي أدفن أب توفى، مش فنان توفى».

وتابعت: «طبعا أنا عارفة أن مصر كلها حزينة عليه وده على رأسي، بس ده مش سبب لاتهام حد بالجحود، الفنانون دول أهلي نمرة 2، ومحدش سابني، وعلى ما الناس عرفت كنت أنا سافرت، واهتمامي الأول والآخير كان بسرعة دفنه، و بدل ما كان 1000 واحد هيمشى فى جنازته فى القاهرة لقيت محافظة المنوفية كلها في جنازته هناك، واللى هنا واللى هناك عند ربنا واحد في الأجر والثواب، فلو سمحتوا ادعوا له بس هو محتاج ده ولا حاجة غير ده»، مختتمة: «العزاء الثلاثاء في مسجد عمر مكرم».