أعربت الحاجة زينب مصطفى سعد الملاح، المقيمة بقرية «منية سندوب»، التابعة لمركز المنصورة بمحافظة الدقهلية، عن سعادتها بعد استقبال الرئيس عبدالفتاح السيسي لها، ليشكرها بنفسه على تبرعها بقرطها الذهبي لـ«صندوق تحيا مصر».
أخبار متعلقة
وقالت الحاجة زينب في تصريحات خاصة لـ«المصري اليوم»: «كان نفسى أقابل المشير السيسي، وكنت بأستنى خطاباته وأبكي من شدة حبه للبلد، ولما قابلت الرئيس النهارده لم أره بعيني ولكني شفته بقلب الأم لابنها اللي عايش جواها، وهو اتعامل معايا معاملة الابن لأمه».
وأضافت: «لما نزلت من العربية، والجزمة بتاعتي وقعت مني قام الرئيس بحملها ولبسها لي تاني، ورفض إن الحرس هما اللي يعملوا كده، ولما رفضت في الأول باس إيدي، وقال لي إنت أمي وجزمتك على راسي».
وتابعت الحاجة زينب: «أنا كنت بأكره أفعال الإخوان في البلد، وكنت أسعد واحدة في الدنيا لما الجيش والمشير خلصونا منهم، وخرجت مع أهالي البلد في ثورة 30 يونيو، وبعدها خرجنا علشان نفوض المشير السيسي، اللي شال كفنه وسمع كلامنا وخرج يدافع عننا وعن البلد، وضحى بنفسه وماله علشان مصر، وعلشان كده كان نفسي أتبرع بكل ما أملك للبلد، لكن للأسف لا أملك سوى الحلق الذهبي اللي اتبرعت بيه، لكن نفسي أضحي بدمي وحياتى كلها فداءً لمصر والرئيس السيسي».
وطالبت الحاجة زينب الشعب المصري بالوقوف خلف الرئيس «لإنقاذ البلد، والخروج بها إلى بر الأمان»، على حد تعبيرها.
