قالت المخرجة إيناس الدغيدي، الأربعاء، إن «ترخيص بيوت الدعارة لصالح المجتمع».
أخبار متعلقة
وأضافت «إيناس»، في مقابلة تليفزيونية ببرنامج «ليلة»، المذاع على قناة «النهار»: «أنا ماقلتش اعملوا، أنا بقول ممكن يصون المجتمع».
واعتبرت أنه «ده مجتمع صعب يرخص بيوت الدعارة.. والزمن اختلف عشان دخلوا في مخنا حاجات إنك تجهري بحاجة زي كده يبقى أنت زانية».
وعرضت مقدمة البرنامج صورة لإيناس الدغيدي وهي ترتدي حجابا، فقالت: «دي أنا مش عارفة جبتوها منين ساعة لما كنت بحج»، واستدركت مقدمة البرنامج قائلة: «دي فوتوشوب».
وأوضحت «الدغيدي»: «عندما ذهبت أحج لبست الحجاب وكنت ألبس أسود».
وحول قولها أنها ارتدت الحجاب رغم أنها وصفت المحجبات من قبل أنهم «مرضى نفسيين»، بحسب مقدمة البرنامج، قالت «الدغيدي»: «أنا ارتديت الحجاب لأنه مفروض في المكان وهو الكعبة لأنه ما ينفعش إني أدخل الكعبة دون حجاب، ولم أقل إنهم مرضى نفسيين ولكن قلت إن لهم ظروف نفسية معينة، وعندما تجدي بنت عندها 17 أو 18 سنة ومحجبة وبنت وعندها 9 سنين ومحجبة، فهل هي عرفت الدين كويس، لا بل فرض عليها».
وتابعت «المحجبات عندهم ظروف نفسية معينة، وهتلاقي كل واحدة اتحجبت فيه سبب، وبعد اللي حصلنا والفترة اللي فاتت كان الحجاب نوع من العدوى».
