مستخدمو «تويتر» بعد الضرائب الجديدة: «عايزة سجاير وبنزين يا إبراهيم»

أثارت قرارات الرئيس عبدالفتاح السيسي، الاثنين، بفرض ضريبة على عدد كبير من السلع، من بينها السجائر المحلية والمستوردة والمشروبات الكحولية ونبيذ العنب الطازج، ردود فعل واسعة على شبكات التواصل الاجتماعي، خاصة «تويتر».

وقال إبراهيم عبدالمجيد، في حسابه على «تويتر»: «السجاير اترفع سعرها بعد يناير 2011 ثلاث مرات لحد دلوقت والحال واقف برضه».

#مصر هو ليه بنتقارن بدول أوروبا في زيادة الأسعار بس مش نتقارن بالحريات ولا بالدخل ولا بمستوى المعيشة ولا بالحياة الأدمية

— كريم الكنانى (@KarimElkenany) July 6، 2014

وتهكمت زينب سمير: «أعتقد أن السيسي هيقنن الحشيش ونبيع ونكسب ونكسب ونبيع»، ومثلها سخر طارق العوضي: «بعد زيادة أسعار الخمور.. الهتافات تملأ الشوارع: ياللي ساكت ساكت ليه.. عندك ويسكي ولا إيه».

«يا بخته اللي ابوه بيشرب سجاير» :'( :'(

— K U T I (@saadkooti) July 6، 2014

وكتب حساب «ست الحتة»: «بفكر أعمل في أبليكيشن ملبس خان تاب لعروض وتخفيضات السجاير»، وأضافت: «يارب السيسي يسهى عن الشامبوهات والكونديشنرز والشاور چيل».

يبقى كده الحكومة عايزاك لا تركب عربية ولا مواصلات ولا تشرب سجاير وتقعد في الضلمة ولما الكهرباء تيجى تدفعها الضعف وتصحي الساعة خمسة تركب عجلة

— Rude Regez (@AmrRodriguez) July 6، 2014

وتهكم حساب «BerOuiiiiNn@»: «عايزة سجاير وبنزين يا إبراهيم (بصوت هند صبري)».. في حين قال حساب «ميكا»: «أنا لو من الإخوان أنزل أوزع عالناس سجاير بعد ما غليت #هي_لله».

شيبسي لازم تنزل بنوع جديد شيبسي بطعم النيكوتين #أفكار_خارج_البوكس

— KaZaKHeLOمهاتما-كازا (@kazakhelo) July 6، 2014

وذكر «فرغل» أنه «بعد كده اللي يطلب منك سيجارة عُضّه». وكتبت «ناهد»: «معلومة ع الماشي للمطبلاتية الأدوية رخيصة السعر تحت العشرة أو الخمسة جنيهات التي تعالج (سكر، ضغط، مراهم، وأخري) بتختفي تدريجيًا».

قالك هو بيشن حرب على الإرهاب--وتبدأ بالبنزين والكهرباء والسجائر--وتنتهي بشوفت العصفورة؟

— Mohamed Waked (@mohamedwaked) July 6، 2014

بينما أيد آخرون قرارات فرض الضرائب على السجائر، وقال سامح مشالي: «أنا عندى استعداد أطبل لقرار رفع سعر السجاير لمدة شهر يارب العلبة تبقي بـ 50 ج»، إلا أنه توقع حدوث إضرابات واعتصامات وصفها بـ«الفئوية» مطلع أغسطس المقبل.

فيما أشار وائل نوارة إلى أن «فيه ناس مش فاهمين ومعترضين وده شيء طبيعي، لكن لما يكون فيه ناس فاهمة إن إصلاح هياكل الأسعار دي حاجة حتمية لكن بتلوش أي كلام يبقى عيب».

مرسى يرفع سعر السجاير والخمره: لا لأسلمة الدولة والإعتداء على الحريات. سيسى يرفع السعر: لازم وضرورى التقشف عشان ماسر. #الوكسة

— Dalia Ezzat (@DaliaEzzat_) July 6، 2014

ويقضي القانون بفرض 50% من قيمة كل عبوة سجائر، بالإضافة إلى مبلغ محدد لكل عبوة على حدة حسب السعر، بالنسبة للمستورد، موضحاً أنه يتم فرض 50% من سعر بيع المستهلك، بالإضافة إلى 175 قرشاً للعبوة التي لا يزيد سعر بيع المستهلك النهائى على 9 جنيهات، و225 قرشاً للعبوة التي يكون سعر بيع المستهلك النهائى بين 9 جنيهات و15 جنيهاً، و275 قرشاً للعبوة التي يكون سعر بيع المستهلك النهائى أكثر من 15 جنيهاً.