شافوا الرؤية وقالوا بعودة.. يا شهر البركة والجودة.. هل هلالك جواه نجمة بتعزف فوق أعظم أنشودة.. تحيا مصر أم الدنيا.. وتسقط الأقنعة السودة.. وعن نفسى أما سمعت الخبر، جريت بسرعة دخلت الأوضة.. صليت ركعتين شكر لله، عادة من أبويا وأنا لسه فى روضة.. وأمى تفتح الشبابيك، وأسمع من السلم كذا زغرودة.. اتذكرت كده وفتحت «المصرى اليوم» على صفحة مفرودة.. عمود «آلو..!!» فى «السكوت ممنوع»، ورغم أن المساحة محدودة.. لكن حسيت إنه زى رمضان، أيامه فى السنة معدودة.. إنما له نفحات وكرامة، ومختلف عن السنة فى فروضه.. وشعرت بقيمة السكوت ممنوع.. وليه هى عبارة مرفوضة.. وأنا أول واحد استفدت، والسكة كانت أدامى مسدودة.. كان نفسى أتكلم أقول رأيى، وبدأت بشعر عن الموضة!.. كنت خايف لكن اتجرأت حسيت مافيش على قيود مفروضة.. قريت أول نسخة لـ«المصرى اليوم»، من عشر سنين مانشيت بنوده.. اتكلم قول رأيك أنقد، دى الدنيا ماتساوى جناح بعوضة.. ومن يومها بادعى للجريدة، يكفيك شر العين الحسودة.. وكل الإخوة العاملين فيها، وبالأخص الأستاذ فودة!!
أحمد عبداللطيف محمد على ــ سيدى جابر ــ الإسكندرية
