لما يبقى الكلام زى السُكات.. والصبر يبقى جَنين ومات.. يبقى اللى بينا ملوش وجود.. لما فى البعد نعِد العمر بالساعات.. ونحاول بالعافية نرجع اللى فات.. يبقى غباء من غير حدود لما مانتعلمش، ونجرى ورا أوهام.. لما نستسلم للى يجرحنا، وجرحه غارس فى العِضام.. يبقى العقل غايب، والقلب دايب فى قلب مايستاهلش حتى الجحود.. صدقونى.. الموت مش بس نفس ينتهى.. ولا اسم من الوجود يختفى.. الموت يعنى قلب يجرحك ولايختشى!!
جيهان السنباطى
