بالفيديو.. مذيعة بالتليفزيون تنتقد منع ملصق «هل صليت» على الهواء: «بلاش فوبيا»

قالت المذيعة بالتليفزيون المصري، قصواء الخلالي، تعليقًا على تصريحات اللواء عبدالفتاح عثمان، مساعد وزير الداخلية لشؤون الإعلام والتي قال خلالها «سيتم القضاء على هذا الملصق خلال أيام» قائلة: «عايزين نعلق على هذا الموضع لأن ساعات بيكون عندنا تعليقات (أوفر) من الداخلية، مثل الداخلية تشن حملة ضد كذا، أو الداخلية تعلن كذا».

واضافت في إحدى حلقات برنامجها «على اسم مصر» الذي يذاع على القناة الثانية: «كل ده لأنهم بيقولوا إن الملصق له إسقاط طائفي، لكن لازم نقف عند هذا الملصق ونشوف بيقول إيه، ده بيفكرنا بحاجة، وبعدين هو الملصق على سيارات الإخوان بس؟ مش عايزين يكون عندنا فوبيا أو هاجس من حاجة، ده مجرد تساؤل؟».

واستكملت: «إحنا المفروض نقول إن كل الملصقات ممنوعة زي (يا ناس يا شر كفاية قر) و(العين صابتني ورب العرش نجاني)، لكن بلاش نحسس المواطنين إننا عندنا فوبيا من حاجة وكأننا بنقول للناس إننا عندنا قلق واحنا ماعندناش حاجة، وكان ممكن نتصرف من غير أي تصريحات لأننا كده بنخليها ظاهرة، ولو بنواجه هذا الملصق يبقى نواجه كل حاجة على كل العربيات، ولو وقفت أي عربية أو تاكسي هتلاقي مكتوب عليها حاجة، يبقى نطبق القانون على الكل لأننا مش ناقصين مشاكل في حياتنا».