طلاب على «تويتر» يدشنون «#ثورة_الثانوية_عشان هتخرج أقعد ع القهوة»

دشن طلاب بالثانوية العامة وسمًا (هاشتاج) على «تويتر» اسمه «#ثورة_الثانوية_العامة_عشان»، أظهروا من خلاله رفضهم لمنظومة التعليم الحالي بمرحلة الثانوية، معتبرين أنه يعتمد على «الحشو» والتكاليف الباهظة، وينتهي بالجلوس «ع القهوة» في نهاية المطاف.

وكتبت أمونة مصطفى: «عشان ما يبقاش واحد مش جايب مجموع هندسة مثلا ويدخلها (خاص) لمجرد إن معاه فلوس وواحد تاني طالع عينه وميلحقهاش على نص درجة».

وأضافت: «#ثورة_الثانوية_العامة_عشان أمي وأبويا صرفوا يجي 15 ألف جنيه عليا السنة دي ونفسهم أدخل كلية كويسة».

كفايه نظام تعليم فاشل لحد كده وننزل يوم ١/٧. #ثانوية_عامة #ثورة_الثانوية_العامة_عشان pic.twitter.com/GNsvdSAY4W

— Dabsha. (@Dabsha96) June 19، 2014

وقال عطا محمد: «عشان الدرس والمجموعة عشان الدسك والكتاب، عشان تباشيرنا والسبورة، عشان العربي والحساب، عشان تعليمنا وحياتنا هنعمل ليكو كشف حساب».

وتابع «سلامة مصطفى»: «عشان الأجيال الجاية ما يلبسوش زينا، عشان أخويا يقدر يحقق حلمه كفاية أنا مقدرتش»، ومثله كتب «بحر»: «عشان التصحيح اللي بيبقي بالشبه ولو مش كاتب الكلمة اللي هو عايزها بيعملها غلط».

#ثورة_الثانوية_العامة_عشان حال الداخلين ثانوية السنة الجاية وهما شايفين الامتحانات جاية إزاي عامل زي المعتقل المستني دوره في التعذيب

— 3ssma2 (@3ssma2nabil) June 20، 2014

وأضاف حساب «سمسمة سكرة»: «ثورة الثانوية العامة عشان بعد سنين المذاكرة هتخرج تقعد على القهوة». واعتبر «تالين سماحة» أنه «بدلا من أن ينموا مهارات الطالب ويساعدوه في تحديد اتجاهاته حسب ميوله.. بيفرضوا عليه مواد مش حاببها ويلبس في الآخر».

#ثورة_الثانوية_العامة_عشان بيحشوا دماغنا بأى هرى ولما تروح الجامعة يقولك انسى كل اللى اتعلمته وابدأ من أول وجديد -__-

— ^^فراولاية (@salmabadawy27) June 19، 2014

في حين قال حساب «Celebrity News»: «مش هيحل الموضوع ده غير اختبار القدرات لازم نطبق النظام ده السنة دي وإلا كلنا هنضيع.. لأن اللي غش زى اللي مغشش».

بينما رأى «مجدي» أن «الهاشتاج مش هيفيد في حاجة»، داعيًا إياهم إلى أن يكونوا واقعين ويبحثوا عن محام وتحرير توكيلات ورفع دعوى قضائية ضد الحكومة أمام مجلس الدولة.

تابع أحدث التغريدات على الـ«هاشتاج» لحظة بلحظة #ثورة_الثانوية_العامة_عشان Tweets