وجه المذيع شريف مدكور، رسالة إلى تنظيم الدولة الإسلامية في العراق والشام «داعش»، بقوله: «مجموعة داعش، لا ينتمون لا للإسلام ولا المسيحية ولا اليهودية، وبقول الكلام ده ومش فارقة معايا».
أخبار متعلقة
وأضاف «مدكور» في برنامجه «ساعة مع شريف» على قناة «المحور»، الخميس: «بيدبحوا في الناس، وبيطلعوا الناس من بيتوهم، يا فرحة أمريكا، وإسرائيل فينا، كل ده بيحصل علشان أمريكا تسيطر على حقول النفط».
وتابع: «نتمنى الحلوين اللطاف، اللي ضد الجيش كنتوا عايزين نبقى كده، حضراتكوا، لو جيشنا مكنش قوي ومحترم ووطني زمانا كان زي اللي حوالينا».
واختتم رسالته: «اللي شايف إن ده حلو، يروح البلاد اللي حوالينا، إحنا عايزين نعيش في سلام وحب وتأخي كل الشعب على بعضه».
