«آسف ياريس»: «السيسي بيعمل زي مبارك.. يعني مكنش حرامي؟»

علقت صفحة «أسف ياريس»، المؤيدة للرئيس الأسبق، حسني مبارك، عن قول الرئيس السيسي في خطابه: «تسهيل بيع الأراضي لرجال الأعمال لتحقيق مناخ جيد للاستثمار»، بقولها: «يعني الرئيس مبارك يا شعب مصر مكنش بيسرق وبيبع أراضي الدولة لأصحابه من رجال الأعمال؟ يعني مبارك مكنش حرامي؟ يعنى السيسى بيعمل نفس اللي كان بيعمله الرئيس مبارك أهو»، بحسب الصفحة.

وأضافت الصفحة: «لازم الشعب يفهم، إنه لو مكنش مبارك عمل كدة (تسهيلات لرجال الأعمال) عن طريق إعفائهم من الضرائب وتوصيل المرافق العامة وتخفيض أسعار الأرض.. مكنش هيبقى عندك كل القرى السياحية والفنادق والمنتجعات اللي موجودة في شرم الشيخ والساحل ودهب والعين السخنة اللى بتدخل لمصر عملة صعبة وبتوفر فرص عمل للشباب».

وتابعت: «مافيش رجل أعمال هيحط ملاين ومليارات في صحرا وشوية رمل.. ولأن مافيش شاب لسة بيبدأ حياته هيكون معاه القدرة المالية اللى يقدر يعمل بيها مشاريع وإصلاحات هتتكلف ملايين».

وتهكمت الصفحة على من قالت إنهم ادعو أن «مبارك حرامي»، قائلة: «شايفك ياللى كنت بتقول على مبارك بيسرق أراضي الدولة وبيبعها.. ومازال التاريخ يحكم».