وجه المستشار مرتضى منصور، رئيس نادي الزمالك، الشكر للأشقاء العرب، وخص بالذكر الشعب السعودي والكويتي والإماراتي، مُشيدًا بدعوتهم لقعد مؤتمر «المانحين» لدعم مصر.
أخبار متعلقة
كما انتقد «منصور»، الإعلامي عمرو أديب، خلال مُداخلة لبرنامج «القاهرة اليوم»، الذي يُقدمه الأخير، على قناة «اليوم»، مساء الثلاثاء، قائلًا: «أنت استفزتني»، وذلك بعد تصريحات لـ«أديب» طالب فيها الرئيس عبدالفتاح السيسي، بالإفراج عن بعض النشطاء السياسيين.
وقال «منصور»: «فيه فرق بين أنك تقول رأيك وأنك تضرب ضابط أو عسكري وتهتف (يسقط العسكر) اللي هما بيحموا بلدك، لو السيد المشير خرّج الـ10 دول من السجن، أنا أول واحد هقف ضده لأنه هيبقى خدعنا، هو قال في برنامجه عودة دولة القانون، الـ10 دول هما اللي قاطعوا واللي كانوا ضد الشعب».
وأضاف «منصور»: «طظ في الفزاعة القديمة أمريكا وبريطانيا وجماعات حقوق الإنسان عملولنا إيه؟، لو السيسي عايز ينجح لازم تبقى عينه على الناس البسطاء والكهرباء اللي بتقطع كل شوية، إنما هيخاف من الفزاعة بتاعت برا هقوله شكرًا دي بداية النهاية، ولو بدأ من دلوقتي يقول أصل ده علاء الأسواني وده عمرو واكد وده خالد تليمة وده أحمد ماهر وده أحمد دومة، هقولك على البلد دي العوض، لو طبطبنا على الـ10 دول والـ30 اللي لسه برا مش هبقى متفائل بمستقبل بلدي».
