تباينت ردود فعل نشطاء مواقع التواصل الاجتماعي على قرار المهندس إبراهيم محلب، رئيس الوزراء، بمنح العاملين بالدولة إجازة، للمشاركة في اليوم الثاني للانتخابات الرئاسية، لقلة الإقبال، الإثنين.
أخبار متعلقة
وقالت السلطانة نجفة: «طب يا #حكومة وانتو بتدوا إجازة بكره بمناسبة العرس الديمقراطي خلوها تبقي شهر بمناسبة شهر العسل الديمقراطي»، بينما علق الناشط السياسي علاء عبد الفتاح: «طيب هم بجد مبيتكسفوش لما بيعملوا إجازة في آخر لحظة؟ طيب هو ليه معملش إجازة من الأول أصلا؟»، واعتبرت سها حمدي أن الإجازة لا أهمية لها، قائلة: «كده كده السيسي هيكسب».
وتهكمت هند النعمان على القرار، قائلة: «هو أنت فاكر انك لما تدي بكرة إجازة الناس هتنزل تنتخب؟، ابسلوتلي..حضرتك هيناموا»، واستغرب توتة حسن من الإجازة، قائلة: «غريبة موضوع بكرة إجازة دي المفروض ينزلوهم شغل ويودوهم في أتوبيسات ينتخبوا إلا لو كان ناوين علي انفجارات يداروا بيها علي خيبة النهارده».
وأضاف محمد سيد: «محلب الدكر قرر غدا إجازة، مقاتل سريع الطلقات، أقصد القرارات، ماخفش من حد، انت كمان ماتخافش وانزل انتخب رئيس بحمي مستقبل ولادك»، وقالت منه سميح: «يا مصريين مسيرتنا لسه مخلصتش لسه بكرة يوم 27 بكره إجازة، واتمد فتح اللجان لعشرة بليل ملكوش حجة يا مصريين عيزينكوا بكرة بالملايين».
يا مصريين مسيرتنا لسه مخلصتش لسه بكرة يوم 27 بكرة اجازة واتمد فتح اللجان لعشرة بليل ملكوش حجة يا مصريين عيزينكوا بكرة بالملايين
— menna sameh (@MennaSameh591) May 26, 2014
الدولة تدي اجازة وتدعو للمشاركة نقوم احنا بدل ما نثبت عالمقاطعة نشارك و ندي حمدين او نبطل و برضه السيسي هيكسب بس بنسية مشاركة اكبر!!
— Eslam Fahmy (@EslamFahmy) May 26, 2014
@abuel3nine كل اللي مكسلين ومأنتخيين ، بكرة اجازة ماعندكش حجة انزل وأنقذ مصر من اجل أولادك ومستقبلهم وعلشان ماتشمتش الإعدادي فينا
— samira ammar (@ninasamira) May 26, 2014
