قال المشير عبدالفتاح السيسي، المرشح الرئاسي، إن «التعليم عبارة عن معُلم وده أهم حاجة عندي، ثم المنشات التعليمية ثم المادة التعليمية ثم المتلقى للتعليم».
أخبار متعلقة
وأضاف السيسي في الجزء الثاني من حواره مع قنوات «الحياة والنهار ودريم»، مساء الاثنين: «عندنا مشكلة في المتلقى للتعليم، اللي بتديهوله بياخده، المنشأت التعليمية بنتكلم في 20 ألف مدرسة وعايزين 500 مليار جنية، علشان نعمل كثافة معقولة».
وتابع: «المعلم اللي هو الإنسان، اللي بينقل وجدان وفكر ومعرفة عايز اشتغل عليه، وأجدر واحد فينا وأولى واحد نراعيه، في المرحلة اللي إحنا فيه، أنا مش قادر، وبتمنى اعمله، اديله مبلغ مناسب، والتعليم ليه دور والصحة ليها دور، لازم ياخدوا اهتمام كبير، وعلى الأقل أقول للمعلم انا شايفك، ونقوله متشكر منك، ومستنين منك أكتر».
وواصل حديثه: «اللي قولناه في الأول عايزين نزود قدرتنا الاقتصادية، عندنا موارد ومصروفات، الموارد بتاعتنا تساوي من المصروفات تساوى 60 % يعني أكتر من 50 % فقط، 60 % من المصروفات تمول والباقي ملهمش تمويل».
