بالفيديو.. السيسي عن تحيته لمرسي: للحفاظ على شرف العسكرية

قال المشير عبد الفتاح السيسي، المرشح الرئاسي، إن «إرادة الناس وحريتهم فرض، ولابد من احترام الضوابط الدستورية والقانونية»

وعن سبب تأديته التحية العسكري للرئيس المعزول محمد مرسي، أضاف السيسي، في حواره لقنوات «الحياة ودريم والنهار»، مساء الأحد: «العسكرية المصرية لا يمكن تحاسب على انضباطها واحترامها، وكنت وقتها أمثل جزء من الدولة، وكنت أسير على قواعد مؤسسات الدولة والقيم والقوانين، ولو مكنتش عايز أدي التحية كنت أمشي».

وأوضح أن «وظيفتي تكون على المحك لا يهم، ولكن لا يمكن المجازفة بشرف العسكرية»، مضيفًا: «أنا قولتله أن الجيش المصري مش بتاع حد، ولا هيكون، وهو بتاعك دلوقتي لأن الشعب جابك بإرادته، وأول ما تنتهي الإرادة مش هيكون معاك، ونحن نمارس قول الله تعالى (الله غالب على أمره)».

وبسؤاله عن خطاب مرسي في 26 يونيو 2013، تابع: «كنا مدعوين عشان نشوف الكلام اللي احنا اقترحنا، هنسمعه، ولا لأ، واتفقنا أن الخطاب يكون وفق مقترحاتنا، ولكن لقينا في الشمال»، مضيفًا: «وثاق واجتماعات رئاسة الجمهورية تم تهريبها لقطر، وخرجت قبل 3 يوليو».