بالفيديو.. معتز عبدالفتاح عن «فض رابعة»: «مكنش ينفع نوقف البلد»

قال معتز عبدالفتاح، الباحث السياسي، عن موقفه الشخصي في فض اعتصام رابعة العدوية: «مكنش ينفع نوقف البلد علشان حد قرر يقعد في رابعة لآخر قطرة من دمه».

وأضاف «عبدالفتاح»، في برنامجه «باختصار» على قناة «المحور»، مساء السبت: «موقفي الشخصي الله يرحم كل واحد مات، مقدرش أعلق مصير بلد على مشاعر احترمها وأقدرها إن حد يموت، لإن الدم يربكني ذهنيا، و90% من أسباب ترفعي عن حاجات كتيرة الواحد بيعملها الدم».

وتابع: «في نفس الوقت الناس قالت كلمتها، معرفش أوقف مصر ومستقبلنا كله عشان حد قرر لسبب ما يقعد في رابعة لآخر قطرة دم عندي، وأنا واحد قولت فض رابعة محتاج حنكة ومهارة، كتبت مذكرة تفصيلية إزاى نفض رابعة من غير دم، إنما واضح عندنا ضعف كفاءة في البلد دي».

وأكد: «التلات سنوات يثبتوا إننا شعب ملعوب في نفوخه».