نشطاء «تويتر» عن التوقيت الصيفي: «وحشتنا يا أبو عيلاء» (تابع لحظة بلحظة)

تهكم نشطاء شبكات التواصل الاجتماعي من قرار عودة العمل بالتوقيت الصيفي بداية من الجمعة 15 مايو الجاري حتى الخميس الأخير من سبتمبر المقبل، باستثناء شهر رمضان.

بضم صوتي لصوتك يا حزلئوم :D :) ^_^ #التوقيت_الصيفي pic.twitter.com/WFzaIbQZRm

— دكتور على القهوة :) (@Abdurhman_samir) May 16, 2014

وحتى كتابة هذه السطور يشهد «هاشتاج» ووسم «#التوقيت_الصيفي» نشاطًا من قبل مستخدمي «تويتر»، حيث كتبوا العديد من التغريدات الساخرة من قرارات الحكومة والرئيس بإعادة التوقيت الصيفي بعد إلغائه في 20 إبريل 2011، عقب ثورة 25 يناير.

اللى يغير الساعه يرجعها 3 سنين ورا و اربع شهور #25jan #التوقيت_الصيفى !

— مشروع مهندس (@ahmed_zamora) May 16, 2014

وكتب «أحمد ماهر» في حسابه على «تويتر»: «#التوقيت_الصيفي النهاردة.. وحشتنا ياأبو عيلاء»، في حين قال حساب ««taqiadeen@»: «بعد إعادة #التوقيت_الصيفي لم يتبق من #ثورة_يناير إلا الدم المهدور وتحديد مدة رئاسة الجمهورية بفترتين فقط».

بعد رجوع #التوقيت_الصيفى توقعت رجوع اسم محطة #الشهداء ل "مبارك" تانى بعد ما يطلع من السجن .. طلع انهم بدأو يرجعوه فعلا ع الملصقات الجديدة !!

— ناشطة غسيلى (@nOuR__aDeL) May 14, 2014

وأضاف «محمود يحيي»: «#التوقيت_الصيفي ده آخر حاجة, وزى ما مولانا مرتضى منصور قال إيه اللى عملتوا الثورة غير تغيير الساعة؟».

هو بقى يعملك #التوقيت_الصيفى ليه .. عشان يمص دمك ساعة زيادة .. يعنى لو انت بتبدأ شغلك 8 .. بدل ما تروح 9 .. هتروح 8 بردو #سرقة

— ناشطة غسيلى (@nOuR__aDeL) May 15, 2014

وتابع: «#التوقيت_الصيفى لخبط الساعة بعد ماقولنا عقلتوا وعايز توفر مش عارف كام في الكهرباء، قوم يافالح طفوا أنوار الشوارع».

لسه بفتح الكتاب اذاكر الساعه 12 لقيتها 1 قوولت كفايه ساعه النهارده مذاكره ونمت ..أحبيبى ا #التوقيت_الصيفى.

— nadia mostafa (@nadia_m194) May 16, 2014

وسخر «عمرو كريم»: «#التوقيت_الصيفي ما ذنب منتصف الليل».

#التوقيت_الصيفي كدة الامتحان قرب ساعة :((

— Sara Magdy (@SaraaMagdyy) May 16, 2014

وقال حساب «MonyUA07@»: «طيب لو الساعة اللى اتقدمت عشان نوفر الطاقة ليه منقدمهاش ساعتين تلاتة أربعة والكهرباء متقطعش اشمعنى ساعة ومحدش يقولى عشان مصر».. بينما تهكم «محمود هوكا»: «محلب زق مصر يمين شوية غالبا».

#التوقيت_الصيفي :D pic.twitter.com/IM9aguByc3

— manal yassin (@manalyassin) May 16, 2014

#التوقيت_الصيفي الساعة اتقدمت ساعة ! يعني انا كبرت ساعة ولا صغرت ساعة ولا انا مين ولا انا فين

— medhαt αℓnαgαr (@medhat_alnagar) May 16, 2014

وكتبت «أمل روماني»: «لكم ساعتكم ولي ساعتي».

تويتر مش معترف بالتوقيت الصيفى وكل البوستات مكتوب عليها من ساعة اخر لخبطة :) #التوقيت_الصيفي

— أ . ب . حرية (@ragiaaaa) May 16, 2014

وبموجب التوقيت الصيفي ستقدم عقارب الساعة الوقت بمقدار 60 دقيقة، ثم يتم تأخير الساعة 60 دقيقة مرة أخرى في الخميس الأخير من سبتمبر المقبل، إيذانًا ببدء «التوقيت الشتوي». وعالميًا، توجد 82 دولة تطبق التوقيت الصيفي، 73 منها تطبقه في جميع المناطق، و9 أخرى تقصره على مناطق بعينها.

وتعد حجة توفير الكهرباء والطاقة سببًا رئيسيًا في توجه الحكومات إلى العمل بالتوقيت الصيفي، رغم أنه لا توجد أدلة قاطعة على صحة ذلك، لاختلاف مواعيد العمل.. وحول ذلك، قالت دراسة لوزارة النقل الأمريكية إن التوقيت الصيفي يقلل الكهرباء بنسبة 1% فقط.. وأظهرت دراسة أخرى أن الأمريكيين يفضلون ذلك لأنه يتيح لهم المزيد من الوقت للخروج والاستمتاع في المساء.

تابع التحديث اللحظي لتعليقات مستخدمي «تويتر» على التوقيت الصيفي على «هاشتاج #التوقيت_ الصيفي» Tweets about "#التوقيت_الصيفي"