قال الإعلامي عمرو أديب إن التجار سيبيعون السلع الغذائية، التي تم استيرادها مسبقًا لشهر رمضان المقبل، بسعر أعلى، مرجعًا الأمر إلى هبوط الجنيه المصري أمام الدولار الأمريكي.
أخبار متعلقة
ودعا «أديب»، خلال برنامجه «القاهرة اليوم» على قناة «اليوم»، مساء الأربعاء، إلى التقشف في «رمضان»، قائلًا: «هو لازم يكون فيه فسدق ولسدق وقمر الدين؟».
وأضاف: «ربنا لما أنزل علينا فرض الصيام قالنا قمر الدين مهم؟، هل مستعدين نستورد فوانيس صيني، فانوس يبقي اسمه السيسي وحمدين وبيغني تسلم الأيادي؟».
واقترح: «ما نعمل الفوانيس اللي فيها شمعة اللي بتعور الجميلة دي»، موجهًا حديثه للحكومة: «أنا عايز الحكومة متطاوعناش على العته اللي إحنا فيه»، في إشارة لاستيراد ياميش «رمضان» والصواريخ والألعاب النارية.
وتابع : «البلد في شهر الصيام والعبادة والتقشف بتستهلك قد 11 شهر، فراخ بيض لحمة فول»، وتساءل:«هل ده اللي ربنا قالنا عليه؟».
وأبدى تعجبه، بقوله: «إيه شهر الصيام اللي الناس تزيد فيه 6 كيلو»، وتساءل: «هل لما رئيس الوزراء يقول مفيش قمر الدين هل يبقى فيه ثورة في الشارع؟».
وأضاف: «هو ربنا قال تعلق 50 لمبة في كل شارع علشان الدورات الرمضانية»، وقال: «صلي قيام ليل وتراويح وقراءة قرآن وصلة الرحم، وبدل ما تعمل الفلوس دي إعمل صلة الرحم».
