زوجة «دومة» تكشف تفاصيل نقله للمستشفى مرتين

قالت نورهان حفظي، زوجة الناشط السياسي أحمد دومة، إن قوات الأمن نقلت زوجها إلى المستشفى مرتين خلال يومي الإثنين والثلاثاء، وقالت: «قعد النهارده في المستشفى ساعة ونص وبعدها رجعوه تاني للسجن بحجة دواعي أمنية».

وكتبت «حفظي» في صفحتها على «فيس بوك»، الثلاثاء: «إمبارح أحمد راح المستشفى ومشوه بعد ساعتين وقبل ما يعمل أي حاجة من الفحوصات سوى أخذ عينة الدم بحجة إن وصلتهم معلومات أمنية بتقول مجموعة من شباب 6 أبريل هيحاولوا يخرجوه بالليل».

وأضافت: «قالوا معانا ضابط مخابرات هو اللي قال لنا ومدير الأمن كلمنا وقال رحلوه، رغم إن محدش يعرف إن أحمد خرج للمستشفى ولا حد يعرف مستشفى إيه أصلا»، ولم تذكر زوجة أحمد دومة مصدر المعلومات السابقة.

وتابعت: «النهارده الساعة 9 الصبح عمل منظار ومشوه 10ونص بحالته الصحية السيئة بعد المنظار، ومن غير ما نشوفه ولا نطمئن عليه بحجة إنه مينفعش يقعد».

وأوضحت نورهان حفظي أنها ستتقدم ببلاغ للنائب العام، صباح الأربعاء، ضد اللواء محمد إبراهيم، وزير الداخلية، ومدير الأمن العام، لأنهما أمرا بترحيل أحمد للسجن، مضيفة: «أحمد عز بقاله في المستشفى ما يزيد على سنة ولسه قاعد فيها مع إنه مش تعبان أصلا، وهشام طلعت مصطفى بقاله 6 أو 7 شهور ومبارك وحبيب العادلي ومحدش قال أصلهم مينفعش يقعدوا لأن في مؤامرة كونية لتهريبهم».