تعجب الإعلامي عمرو أديب من اقتصار المقابلات التي يعقدها المُرشحان الرئاسيان، عبدالفتاح السيسي و حمدين صباحي، على من يؤيدونهما فقط وتساءل: «هل زيادة تأييد؟».
أخبار متعلقة
وأضاف «أديب» خلال برنامجه «القاهرة اليوم»، الذي يُذاع على قناة «اليوم»، مساء الإثنين: «مش قادر أفهم ليه السيسي بيقعد مع الناس اللي مأيداه» ، وتساءل: «هل الرسول كان بيقعد مع الخلفاء الراشدين يدعوهم للإسلام؟، لأ خلاص هم مسلمين، فكان يتكلم مع الكفار».
وتابع: «زى منا بستغرب من إمام الجامع لما بيزعقلنا علشان نصلي وإحنا معاه في صلاة الجمعة، طب متروح تزعق للي قاعدين في النادي».
وأكمل متسائلاً: «ليه التكتلات اللي قعدت مع السيسي مقعدتش مع حمدين؟، ليه كل الناس بتروح تقعد مع السيسي؟، حاجات غريبة جدًا بتحصل».
