قال المرشح الرئاسي، حمدين صباحي، إنه لا وجود أو قيمة لـ«30 يونيو» دون «ثورة 25 يناير»، معتبرًا أنها موجة تالية عليها بعد سرقتها.
أخبار متعلقة
وأضاف «صباحي» في حواره مع خيري رمضان ومجدي الجلاد على فضائية «سي بي سي»، مساء الخميس: « مفيش قيمة لـ 30 يونيو إذا لم تكن 25 يناير، 25 يناير اتسرقت ورجعناها في 30 يونيو، و30 يونيو موجة من ثورة 25 يناير».
وتابع: «اللي عمل 25 يناير مكنش الجيش، والجيش كان عظيمًا في ولائه لشعبه.. الثورة ساندها الجيش، بس مين الأولى أن يطرح من بين صفوفه مرشح، هو الشعب.. الجيش انحاز للشعب مرتين في 11 فبراير و3 يوليو، والقائد هو الشعب والسند الجيش، وهما بيكملوا بعض».
واعتبر «صباحي» أن وجوده على رأس السلطة هو النتيجة الطبيعية لوطن وشعب محترم، «عملنا ثورتين لدولة مدنية، إحنا لازم نجيب واحد من قلب الشعب، كل واحد اترشح وفقًا للقانون من حقه يقدم نفسه باعتباره رجلًا مدنيًا، بس اللي شايفه إن التعبير عن سلطة مدنية تحترم الحريات هو أنا.. وخلي الناس اللي تصدقه فينا تقف معاه، ومش مهمتي أصدر أحكامًا على الناس».
وتابع: «هناك نفاق بتصوير 25 يناير و30 يونيو إنهم ضد بعض، نفس الناس اللي شموا نفسهم في 30 يونيو بعد ما استخبوا في الجحور بعد 25 يناير، والله ما هيرجعوا والله ما هيرجعوا، وإحنا اللي قلنا الجيش والشعب إيد واحدة.. واللي هيورط الجيش المصري عاوز يورطه يكون طرف والجيش المصري أوعى وأذكى من أنه يستدرج لأي خلاف حزبي».
وأشار إلى أنه كان «وسط الناس من 40 سنة، أنا ابن نقابة الصحفيين وكنت في الحركة الطلابية والعمالية.. ومفيش مظاهرة قامت في مصر إلا وكنت طرفًا فيها».
