سخر نشطاء «تويتر» و«فيس بوك» من قرار مجلس الوزراء بعودة التوقيت الصيفي، وإيقافه مؤقتًا أثناء شهر رمضان.
وقال «زياد»: «التوقيت الصيفي رجع وحق الشهدا لسه مرجعش، عظيمة يا مصر»، بينما سخر عمرو عبدالهادي، متحدث جبهة الضمير، من القرار، قائلًا: «طيب يرجعوا حسني مبارك بقى».
وأضاف أكونت وهمي لـ«عدلي منصور»: «السيسي أصدر قرار بأني أمسك التوقيت الصيفي بعد ما أسيب الرئاسة، تقريباً نفس شغلتي دلوقتي».
وفيما أوضح سيرجيو المصري: «هيرجعوا التوقيت الصيفي في نص مايو، الحاجة الوحيدة اللي اتغيرت بعد الثورة راحت، كده الثورة خلاص ضاعت»، بينما تهكم أبونسمة الأسطورة من القرار، قائلًا: «حتى التوقيت الصيفي رجع تاني، وكأن ثورة لم تقم وكأن نظاما لم يسقط».
بينما ربط «الظاهر كده بيبرس» إعادة التوقيت بالانتخابات، قائلًا: «بلد مش عارفة تخلي 6 إبتدائي ولا تلغيها، ولا تخلي التوقيت الصيفي، ولا تلغيه، إزاي هتتفق على رئيس واحد».
وطالب محمد السيد بعدم قطع التيار الكهربائي، مضيفا: «يعني هترجعوا التوقيت الصيفي شهر وتلغوه في رمضان علشان الصيام، طب ياعم سيبوا بس متقطعش النور الله يباركلك».
