تباينت ردود الفعل على شبكات التواصل الاجتماعي تجاه أول حوار للمرشح الرئاسي، المشير عبد الفتاح السيسي، ففيما اعتبر البعض أن «كلامه موزون» ذهب آخرون إلى أنه «بيضحك على الناس»، بحسب قولهم.
وكتبت «هنادي» في صفحتها على «فيس بوك»: «راجل كلامه موزون وثقة في النفس وصدق الحوار متزن ربنا يحميه واعي وفاهم يعني إيه وطن ويعني إيه شعب عارف حجم المشاكل الموجودة وعندة ثقه في الله وفي نفسه وفي الشعب إيمانه قوي وفاهم الإسلام صح ربنا يوفقك إن شاء الله ستكون أنت الرئيس».
خلاص لحد يكلمنا عن مصالحة ولا احتواء ولا عودة تاني للإخوان لا إخوان بعد اليوم #تحيا_مصر وموتوا بغيظكم #سأنتخب_السيسي.
— H (@hassnelshari) May 6, 2014
#حوار_السيسي الست اللى بتقفل الغاز والكهرباء وهى خارجة عشان خايفة على بيتها هى اللى نزلت عشان خايفة على بلدها، تسلم يا غالى. #تحيا_مصر
— فدا بلادى تهون الروح (@Moon22225) May 5, 2014
وأضافت «رانيا أبو العينين»: «يسلم لسانه».. وقال «محمد هادي» في حسابه على «تويتر»: «حاجة غريبة فعلا.. كل اللي بيتريقوا علي السيسي دمهم تقيل قوي إلا ياربي ماشفت فيهم واحد فكهي».
تحية من القلب للمشير #السيسي علي حواره الرائع الذي يؤكد أنه هو الوحيد الذي يصلح رئيسا. #مصر #حوار_السيسي
— Brain Stormer (@tamereldegwy) May 5, 2014
وتابعت «ناني مهدي» على «فيس بوك»: «هو ده الرئيس اللي الواحد يطمن إنه ماسك البلد ربنا يوفقه».
واعتبر« أيمن جون» أنه «رئيس محترم واثق في نفسه لباقة وحكمة في الكلام مبرووووك عليك الرئاسة #تحيا_مصر».
أعتقد ان سياسة مصر الخارجية حتستفيد من السيسي جدا (بعد فوزه لو فاز) الملطشة والمهزأة اللي وقّعنا فيها مرسي حتخلص.
— Ahmad El Esseily (@ahmadesseily) May 5, 2014
في حين كتب «محمد خشعان» على «تويتر»: «ظهور المشير السيسي بصرامة لم تظهر من قبل خلال خطاباته السابقة فاجأت الكثير من المتابعين للحوار.. كنت أنتظر ما هو أفضل على مستوى الأسئلة والنهج الحواري».
عجبني، لما رد ع سؤال لعيسي: مش لما يكون معني بالأمن القومي (في إشارة للمعزول) بس أنا طبعا معني بالأمن القومي. #تحيا_مصر #حوار_السيسي #لقاء_السيسي
— الشرعية للشعب و بس (@RoRozakariahuss) May 5, 2014
وقال «محمد أنور» إنه «حجم لميس الحديدي وإبراهيم عيسى وأدار الحوار بذكاء».
السيسي اللى هيبقى رئيس بسبب أكبر مظاهرات في تاريخ مصر (كانت بدون ترخيص) بيقول على المظاهرات «بتخرب البلد».
— The Big Pharaoh (@TheBigPharaoh) May 5, 2014
وعن مقولة السيسي خلال الحوار «لا نسمح إن البلد تقع والتظاهر والفوضى هيوقعوا البلد»، تساءلت «أمل محمد» على «تويتر»: «أيوة التظاهر هيوقع البلد هو مش التظاهر ده هو اللي جاب سيادتك».
ورأت «شيريو» أن «كارت المرأة والأقباط بيتك عليهم دايمًا».. وتهكم حساب «استحمار»: لازم نعرف بقى تفاصيل البرنامج الانتخابي اللي هيخلينا نقطع الباسبور المصري».. فيما اعتبر «علي غانم» الحوار «فيلما رومانسيا».
السيسي: لم يتقدم أحد بطلب للتظاهر ورفض طلبه، غدا طعن على رفض الداخلية لطلب تنظيم مظاهرة ضد الغلاء. #مصر
— Gamal Eid (@gamaleid) May 5, 2014
وقال «إيهاب السيد» على «فيس بوك» أنه «لا يفرق عن أى مرشح ليس لديه برنامج لا يحب المعارضة حويط ويتحدث بعمومية أفكار غير مرتبة والحوار كله ضحك علي الناس».
وتابع حساب الحوت الأزرق: «والله الناس بتضحك على نفسها اللي مع مرسي متأكد إن مرسي مش هيرجع ويحكم تاني واللي مع السيسي عارف إنه بضحك عليهم ومصديقنه بالعند في الإخوان يا ريت تفوقوا والله إنت الطرفين الضحية».
