اعتبر الإعلامي عمرو أديب، مقدم برنامج «القاهرة اليوم»، أن الفارق بين قبول المصريين حاليًا لانقطاع الكهرباء ورفض ذلك في عهد الرئيس المعزول محمد مرسي أنه يعود إلى أن «حبيبك يهضملك الظلط».
وأضاف «أديب»، خلال حلقة برنامجه، مساء الإثنين: «بالنسبة للناس اللى بتسأل إحنا ليه كنا مش مستحملين قطع الكهرباء وقت مرسي وليه مستحملينه دلوقتي، السؤال ده يوجه ليكو، تفتكروا ليه المصريين وفي الإعلام مستحملين.. حبيبك يهضم لك الظلط وعدوك يتمنى لك الغلط، لو أنا حاسس إنك (مرسي) وطني وبتحترم الإعلام ومش بايعنا لإسرائيل والأمريكان كنت وقفت جنبك».
وتابع: «أيا كان الحكم اللى جاي سواء حمدين أو السيسي، أنا عارف إن الناس دي مش هتبيعنا، مش زي اللى راح الخرطوم يقول حلايب وشلاتين سودانية بيبقشش من جيب أهله، زى ما كان عاوز يدي حتت لحماس.. لو أنت وطني أقف جنبك واستحمل.. ودلوقتي هنستحمل ونهضم الظلط».
