شن الإعلامي عمرو أديب، هجومًا حادا على الكاتب علاء الأسواني بعد وصفه «الانتخابات المقبلة ليست ديمقراطية»، ووصفه بأنه «قاعد يبول في عقل الغلابة» بعدما هاجم «الأسواني» المشير عبد الفتاح السيسي، وزير الدفاع السابق والمرشح لانتخابات الرئاسة.
وقال «أديب» في برنامجه «القاهرة اليوم»، مساء السبت، على شاشة «أوربت»: «الراجل ليه 10 مقالات بيهاجم المشير عبد الفتاح السيسي، في إيه يا دكتور علاء.. ياما جبتلنا حموضة وانتخبت مرسي الخاين، أنت مثقف وإحنا حيوانات يعني؟».
وتابع: «اعصر على نفسك ليمونة، إنت هرتنا ليمون وجبتلنا حموضة أيام مرسي، استنى لما تحصل الانتخابات، يكسب اللي يكسب يا أخي، هو لسة حصل حاجة عشان تقول الانتخابات هتتزور زي 2005؟».
وواصل: «الله أعلم هيحصل إيه؟ اشمعنا مرسي كان حلو ووقفت جنبه؟ لولا السيسي كان زماني وزمانك في زنزانة واحدة. ادوا الناس فرصة يا أخي.. دول علقولك مشنقة اللي انت جبتهم.. عملتلهم إيه بصباعك في فرنسا يا دكتور؟»، في إشارة منه إلى هجوم أنصار الإخوان على الكاتب علاء الأسواني وقت وجوده لإلقاء محاضرة بمعهد العالم العربي بباريس.
واستطرد: «مش هخاف تاني مش هنتهز إحنا بني أدمين ولينا رأي البلد ماشية كويس، إنما من بدري ابتزاز وتجريح في البلد إحنا مش حيوانات ومقررين بمزاجنا ونشيل أي حد لو مش عاجبنا».
وأوضح: «إنت رشقتنا في الحيط المرة اللي فاتت، الانتخابات دي لو حصل فيها تزوير أنا هقف ضدها أنا مش بستر، السيسي مش محتاج تزوير».
وتسائل: «إنت عملت أيه يا علاء جبتلنا محمد مرسي، إنت و6 أبريل، إدوا الراجل فرصة؟ اختياراتك .. خطأ وأنا مش بسمع كلامك.، عملتلهم بصباعك إيه يا علاء؟ تتخيل ممكن السيسي يعملك حاجة زي ما الإخوان عملوا فيك؟».
