مع بدء شهر رمضان، بدأ بعض أصحاب محال الملابس الداخلية الحريمى فى تغيير عروضهم، فقد استبدلوا كل ملابس اللانجيرى والمايوهات التى يعرضونها على مانيكانات بملابس أخرى محتشمة تناسب المحجبات مثل العباءات الطويلة، فى محاولة منهم لعدم الخروج عن سياق الشهر الكريم. عادل إبراهيم، صاحب أحد المحال فى منطقة فيصل، قال: «مع أول أيام شهر رمضان من كل عام نغير كل الملابس المعروضة ونلبس المانيكانات عباءات لمراعاة شعور الصائمين، والسبب الرئيسى فى ذلك هو التعليقات الخارجة التى نسمعها من الشباب المراهق فى الأيام العادية»، وأضاف: «نحاول أن نكون أكثر التزاما فى رمضان عن بقية الشهور، ونساعد الناس على أن يكونوا أكثر التزاما. وحتى لا نسمع تعليقات من بعض الصائمين الذين يرفضون مشاهدة المانيكان بملابس عارية، وعموما فى أيام رمضان الأولى تتوقف حركة البيع والشراء فى محالتنا، لأن كل الناس بتركز فى الأكل والشرب وشراء الياميش».
أميرة محمد، إحدى البائعات فى محل لانجيرى، قالت: «بقالنا 4 سنين بنعمل كده فى رمضان خاصة إن صاحب المحل رجل ملتزم وقبل كل رمضان بيقولى نفس الجملة: (يا ريت نشيل الحاجات المشخلعة دى ونحط حاجات محترمة)». وتواصل: «إحنا بنعمل كده عشان الشباب، مع إنى بصراحة شايفة إن ده تناقض لأنى دايما بسمع تعليقات من الشباب فى أيام رمضان اللى يقول هو رب رمضان غير رب السنة».. واللى يقول «ارحمونا بقى»، بس أنا عبد المأمور.. ودى تعليمات صاحب المحل خاصة إن اللانجيرى بيعتمد على العرض أكتر.
