خاطب الناشط السياسي، وائل غنيم، السبت، الدكتور عصام العريان، نائب رئيس حزب الحرية والعدالة، بقوله: «حضرتك تبشرنا بأن التاريخ سيثبت فشل الشركات العابرة للدول التي تستخدمها؟».
أخبار متعلقة
وكان «العريان» كتب في صفحته على «فيس بوك»: «كما أثبتت أحداث التاريخ تعجل فوكوياما بمقولة (نهاية التاريخ)، وفشل نظريات (بناء اﻷمم) و(صدام الحضارات)»، مضيفًا: «سيثبت التاريخ أيضا نهاية مقولة (العولمة) وفشل الشركات العابرة للدول، واﻷيام حبلى يلدن كل جديد».
وبدوره علق «غنيم» على ما كتبه «العريان»، بقوله: «يعني حضرتك يا دكتور عصام وصلت المكتب بعربيتك الـHyundai اللي متجمعة في 4 دول، (أو أي ماركة تانية من ماركات السيارات)، وقاعد في مكتب إضاءته من Philips وتكييفه من Carrier، وداخل على النت عن طريق راوتر Cisco موصلك بشركة الإنترنت المحلية اللي بتستخدم سيرفرات من IBM وبرامج من Microsoft عن طريق موبايلك الـ Samsung اللي التكنولوجيا فيه من كوريا ومتصنع في الصين، ونظام التشغيل فيه قائم على تقنية Android من Google».
وأضاف «غنيم»، في رسالته لـ«العريان»: «بتستخدم موقع Facebook عشان تبشرنا بأن التاريخ هيثبت فشل الشركات العابرة للدول اللي حضرتك بتستخدمها كلها دي؟».
