«6 أبريل» لمرسي: ««ربنا هيسألك على اللي بيموتوا دول يا بتاع الشريعة»

هاجمت حركة شباب 6 أبريل الرئيس محمد مرسي، وقالت إنه لم يختلف عن الرئيس المخلوع مبارك.

وطالبت الحركة مرسي أن «يتحرك لإنقاذ البلاد ولا يُصدق كلام خيرت الشاطر، نائب مرشد الإخوان المسلمين بأن المعارضة خونة وعملاء».

وقالت الحركة عبر صفحتها الرسمية على «فيس بوك»، السبت: «محمد مرسى، اللي إنت بتعمله هو قمة الغباء وانعدام المسؤولية، لغاية دلوقتي لسه ما أدركتش إن فيه مشكلة حقيقية، كل الاحتجاج ده وكل الشهداء وكل الاشتباكات في كل المحافظات ولسه ماحسيتش بالمشكلة، هو دا بيحصل في بلد تانية؟».

وأضافت: «ربنا هيسألك على اللى بيموتوا دول يا بتاع الشريعة، لغاية دلوقتي مصدق الكلام اللي بيقوله خيرت الشاطر إن المعارضة خونة وعملاء؟ لغاية دلوقتي مش عاوز تسمع؟ إيه الغرور والعند والتكبر ده، طب قولنا فرقت إيه عن مبارك؟».

وتقدم الرئيس محمد مرسي في رسالة بصفحته على «فيس بوك»، صباح السبت، بالعزاء للمصريين، قائلاً: «إنا لله وإنا إليه راجعون.. أتقدم بخالص العزاء إلى كل المصريين وإلى أهالي السويس الباسلة في أبنائي الشهداء من الشعب والشرطة، الذين راحوا ضحية العنف البغيض المرفوض منا جميعًا، والذي أريد به تشويه الوجه الحضاري لثورتنا العظيمة».

وأضاف: «أؤكد أن أجهزة الدولة لن تتوانى عن ملاحقة المجرمين وتقديمهم للعدالة في الوقت الذي تبذل فيه قصارى جهدها لحماية وتأمين المظاهرات السلمية».

ودعا مرسي، في ختام رسالته، جميع المواطنين إلى «التمسك بالمبادئ النبيلة للثورة المصرية في التعبير عن الرأي بحرية وسلمية، ونبذ العنف قولاً وفعلاً».