مش كفاية إنك تغنى أو تقول مبروك عليها.. الفرح مطلوب ولكن لازم انت تكون بانيها.. ياما سينا الغدر جاها والوباء بيحط فيها.. ياما جاها الشر يجرى واحنا بدمانا نفاديها.. ابنى فيها قوم وعمر ينزرع فيها حاميها.. عمروها ازرعوها وصلوا الميه إليها.. طيروا ملايين بتعشق مشتاقين حالا وليها.. شيدو يلا المصانع والمناجم نبتديها.. والمدارس والمراكز والعمار حتما يجيها.. يصبح البركان بشرها تنفجر فى اللى يعاديها..
يصبح الزلزال ولدها.. اللى بدراعه يحاجيها.. سينا لما منا راحت خد خاطفها خير ماليها.. خد زيوتها خد نخيلها من مناجمها لواديها.. خد سياحتها وآبارها والشهيد اللى يناديها.. خد زهورها خد ثمارها خد كمان خيرة بنيها خلى سينا تقوم وتصرخ قدمت شكوى لباريها.. قام سمع صرختها فارس بالعبور حرر إيدها.. يبقى لازم نبقى جوه تبقى أسوارنا عليها.. يعملوا بسكانها قوة مش نغنى بس ليها!!
