لما لاقيتها هاصت ولاصت.. وبقيت خلاص شيش وبيش! ولقيت توتو وهيثم اترشحوا.. وكمان معاهم هريدى وعليش! واللى واهم واللى مش فاهم.. واللى اترشح فى لحظة طيش! والعجلة وقفت والحالة نيلة.. قلت وأنا - ما أترشحش ليش؟! أنا مواطن - عايش وساكن.. والثورة كانت حرية وعيش.. وممكن الناس تدينى صوتها.. وممكن كمان يدعمنى الجيش! خايف عليكى يا بلد خايف.. وانت بنت الأكابر تلبسى خيش! هو كل من هب ودب يبقى ريس.. شايفين إللى اتقدموا قد إيش؟
الغردقة
