أمى يا أمى.. يا شايلة همى.. فى كل صلاة تباركى وتدعى يارب خلى ضنايا ابنى.. أمى يا أمى أهديكى روحى، وأفديكى دمى.. أموت فى حضنك، وأحيا بحبك.. أعيش ليكى إنتى وأنسيكى حزنك.. فى الضلمة نورى، وفى الفرح صاحبى.. وسهرتى جنبى.. وأنا لسه باحبى وأقول الآه ألاقيكى جنبى.. يا غالية عليا يا أجمل هدية بعتها رب السما ليا.. يا أعز حبيبة ولقلبى قريبة كلك محبة وحنان وطيبة.. فى صباحى أقوم على نور عينيكى، وأقول يارب يباركلى فيكى.. وفى مسايا أنام وأنا بين إيديكى.. يا أغلى حبيبة.. ياست الحبايب يا أمى.
