هاقول مواصفاته بالتفصيل.. محترم طيب وأمير.. وع المصرى يكون بيغير.. وفى عهده أحس بتغيير.. ويحس تمللى بالفقير.. ويحارب العنف والتزوير.. ويقود ثورة للتطهير!! أنا عايز رئيس فى عهده يكون المصرى منصور.. لما يتهان بره الحدود ألاقيه جسور.. يغضب يثور زى النسور.. ولسفيرنا يقول له: عود.. ويجيب له حقه قبل ما يعود.. عشان يعرفوا إن المصرى كرامته فوق.. فوق الحدود!!.. أنا عايز رئيس ياخد موعظة من اللى كان قبله.. وأشوف الناس وهى بالحب تقابله.. مش بالنفاق زى اللى قبله.. ويكون أصيل بيحب شعبه.. وحب مصر بيجرى فى دمه!!.. أنا عايز رئيس يكون من الأحرار.. يلحق بلدنا قبل ما تنهار.. وعقله يكون كالتعلب المكار.. ويكون أسد فى القوة والإصرار.. وعنده حكمة فى القرار.. راجل فى كلمته يحقق مطالب الثوار!!
