طلعوا الستات من تحت لتحت.. عايزين يحكموا دا أنا والله ارتحت.. على كتفك فاس وانزلى فى الفحت.. مش كافية القوة مهما شرحت.. وإوعى تعيطى لو حتى جرحت.. بنظير عملتها ويومها فرحت.. ورينا يا تاتشر أصلى سرحت.. لو يوم تنجحى أنا برضه نجحت.. ولا حد هيسمع مهما نصحت.. أيام المجلس إيه تعملى..
لو يوم تطبخى أو يوم تغسلى.. لو جوزك طالبك هتكنسلى.. مع فنجان قهوة ف نظرك حللى.. وقت العصرية هتعسلى.. مع زن ولادك ضغطك على.. ويّا الجماهير أخطبى وانزلى.. لو حتى مريضة ما تتعللى.. ما بلاها يا أبلة إنسى وقفلى!
