قال باكرهك والكره ليك حصرى.. قلت أحبك أنا لأننى مصرى.. الحب لو تعرفه تعريشة فى البساتين!! قال باكرهك لما أشوف رسمك.. قلت الأمل بازرعه مهما كان ظنك.. طبعى أنا أفرح مع الفرحين!! مصر الهلال والصليب النيل والهرم.. مصر المحبة والظلال الأغانى والكرم.. يا ريت ولادك يا مصر يفضلوا فاكرين!!
مصر تعزف من زمان أجمل الأناشيد.. قبل الزمان والدين عرفت التوحيد.. حجارتها تتكلم تدهش العارفين!! مصر الحضارة معطرة بريحة الورد.. عايزنها تركع وهى سليلة المجد.. والتهمة إنها تعشق الياسمين!! علمك يا مصر غالى هو وترابك.. واللى يرفع غيره ينسى أمجادك.. والولس يسلم مصر للطامعين!! يا رب بارك مصر فى كل حارة ودرب.. دا وعد السما أيضا كلام الرب.. بالسلام ادخلوها وكلكم آمنين!!
نجع حمادى- قنا
