قالوا ف الأمثال زمان.. من جد يا ناس وجد.. واللى أهمل ف أى حاجة.. للخسارة يا ناس حصد.. واللا إيه يا بلد؟!.. لما يموت حاجة وسبعين فى ماتش كورة.. يبقى عيب يا بلد.. ولما ف الهايفة نتصدر.. ويموت فينا أجدع ولد.. هو ده العيب يا بلد!!.. لما كله عامل فيها أبوالفوارس.. وعامل نفسه على مصر حارس.. وكله عامل سياسى ممارس.. وبسببه هوه تحصل كوارث.. هو ده الغيب يا بلد!! لما منحاسبش المجرمين.. ونسكت على الفاسدين.. وندخل السياسة فى الدين.. ومنعرفش رايحين على فين.. هو ده العيب يا بلد!!
لما منتعلمش من خطأنا.. ونفرط فى زهرة شبابنا.. ونسكت على ظلم صابنا.. ونضيع إحنا هيبة بلدنا.. هو ده العيب يا بلد.. لما نقتل على حاجة هايفة بعضنا.. وندى فرصة للعدو يشتت فيها شملنا.. هو ده العيب يا بلد.. خد بالك يا مصرى يا ابن النيل.. الكل عايزك تكون خاضع ذليل.. وحافظ على مصرنا من الدخيل.. دى مصر بلدنا هى أجدع بلد.. واللا إيه يا بلد!!
نادى الصيد - الدقى
