يعملوها الكبار ويموتوا فيها الصغار.. فى «طرة» التخطيط ومن «المركز» إصدار القرار.. «المخلوع» بس يدوس عالزرار.. «الفلول» يعملوا الفوضى والحرايق والدمار.. عملتوا ثورة يبقى لازم مصر تدوق المرار.. كل شوية يشعلوا ف مصر نار.. «الوليفة» تجرى تصب عليها «نار».. مصر تئن وتصرخ وشعبها يحتار..
الفلول ترقص ولمصر يدقوا «زار».. مصر هى «الموعودة» بجد موش هزار.. ف «بورسعيد» لعبوها الفلول باقتدار.. صفارة الحكم كانت بداية الشرار.. البلطجية هجموا كما التتار.. قتلوا الولاد الأهلوية الصغار.. و«بورسعيد» بريئة وأهلها أخيار.. الطبع إكرام الضيف نورت بيك الدار.. «أبوالعربى» بكى بالدموع وانهار.. «أبوالعربى» برىء.. عمره ما كان غدار.
