أنا البورسعيدى.. اللى عمرى بإيدى.. ما أقتل ابن بلدى.. اللى دمه بيجرى فى وريدى.. أنا البورسعيدى اللى زمان.. وقفت ببسالة ف وش العدوان.. أدافع عن تراب بلدى.. وما كنتش يوم أبدا جبان.. أنا البورسعيد أبوالعربى.. وطنى درجة أولى وبحب بلدى.. وبفهم ف الأصول وعمرى ما أغدر.. يوم بضيف موجود عندى.. أنا البورسعيدى برىء.. ومهما كان حبى لفريق.. مايخلنيش أقتل ابن بلدى بمخطط خسيس وواطى ودنىء.. أنا البورسعيدى حزين زى كل المصريين.. على كل إخواتنا اللى ماتوا وبأدعيلهم يدخلوا الجنة قولوا آمين!
