عم جلال مات يا جماعة.. اقف يا مصرى بطلى يا إذاعة.. تخاريفو وقفت وخلاص.. مالناش والله أى مناص.. كاتب ولا كل الكتاب.. ولا يعمل للسلطة حساب.. إلا حساب ربه الوهاب.. وأصحابه بيرم حداد.. لمهم وفتح مدرسته.. وبقلمه علم كرسته.. كان يحكى وكان بيقول.. ما هو والله قد القول.. وبيهجم حتى على الغول.. قال على فترة انتقالية.. دى فترة يا ابنى انتقامية.. والمخلوع راجع ياعنيه.. رجالته فى طرة مستنية.. هنقرأ لمين تانى يا جدعان.. وعم جلال مش فى الجرنان.. وعموده مين يكتب فيه.. لو بأيدى والله أخليه.. هو صحيح مات وخلاص.. ولا دى حركة من حركاته.. ويخلص على الست حماته.. اظهر بالله يا عم جلال.. دى الفرقة صعبة ومحال.. بيبكى عليك الكل يا خال.. عرفت بقى حبك عندينا.. وحماتك مفجوعة زيينا.. من بحرى وكلامك سكر.. مهموم ببلدك جمالك السكر.. على قهوة بلدى بتشرب شاى.. سلام لرايح وسلام لجاى.. هما العظماء كده رايحين.. عمر قصير وباقية لمين.. عم جلال مات وإحنا عايشين!!
