يا ولادنا فوقوا دا مخطط وفخ وطنى ومتظبط
من النظام المتورط وديله لسه بيتنطط
ومناه يشوفنا بنتفرط ونعادى بعض ونتمرمط
ونروحوا طره ونبلط على باب سيادته ونخبط
ونقولوا وإحنا بنتخرط آسفين يا ريس ونعيط
يا ولادنا فوقوا دا مخطط من حزب واطى ومتظبط
من إمتى كورة بتتنطط تخلى وردنا يتسقط
والأمن قاعد مستعبط وكأنه سبع ومتحنط
حتى المذيع كده بيفلقط بكلام يسخن ويشطشط
وكأنه فرحان ومزقطط وم النظام كده متسلط
يا ولادنا فوقوا دا مخطط وفخ كروى ومتظبط
وياريت على الثورة نحوط والجرحى دمها يتجلط
ولا دمع عينكم يتسقط ولا أم قلبها يتخرط
ولا قرد يطلع يتنطط ولا ديب يدافع ويخطط
يا إخوانا فوقوا دا مخطط وفخ وطنى ومتظبط
