أقفوا معانا دقيقة حداد.. على ولادنا وع الأحفاد.. فـ بورسعيد قتلونا الأوغاد.. واتفرق دمنا فـ بلاد وبلاد.. واتلفحوا معايا كلكوا بسواد.. ابكى يا عين على الأولاد.. وأقفوا معانا العمر حداد.. عارفين بكره ح يحصل إيه.. بكره يجيبوا الحق عليه.. ويبقى الحال كما هو عليه.. برضه ح تفضل فينا الفوضى.. واللى يروح مننا بلا عودة.. كانت الثورة علامة الجودة.. واللى كان بيقودها فراودة.. والخرطوش صفاله عنيه.. عارفين بكره ح يحصل إيه.. الدولة ح تصرف تعويض ليه.. ومصاب الكورة ح يعمل إيه.. ح يقف ف الدور جنب إخواته.. ونفس الموقف هو بذاته.. لغاية ما الدولة تحن عليه.. أمرنا لله وح نعمل إيه.. أقفوا معانا دقيقة حداد.. على ولادنا وع الأحفاد.
