مننا فينا وحوش وسطينا.. مننا فينا اللى بيأذينا.. مننا فينا الظالم حالف.. ما هيتركنا ولا يخلينا.. مننا قاتل مش بيدارى.. إنه هيفضل يقتل فينا.. مننا سارق خيرى وخيرك.. وبيشترى بيه سلاح يفنينا.. مننا قاتل حلمى وحلمك.. واللى حرمنا نشوف بعنينا.. مننا فينا اللى بيحرمنا.. من طلعة شمس هتشفينا.. مننا كل اللى بيجرالنا.. علشان حقنا ضاع بإيدينا.. طول ما الدم الغالى بيرخص.. بحر دماء مش هيكفينا.. لما يتوه العدل مابنا.. عمر ما فيه شىء راح يحيينا.
