نداء مهم لكل مصرى مصر فى رقبتك أمانة
لو كان عدوك ابن بلدك إياك تسمحله بالخيانة
يا ابن مصر العين عليك من بشر ناقصة وجبانة
من زمان بيخططولك تفضل محتاج للإعانة
والسم واضح فى العسل وكلام حافظينه أسطوانة
مرة يقولوا ديمقراطية ومرة من باب الديانة
حاطين مناخيرهم بغباوة بطلوا ألاعيبكو الكحيانة
مفتاح الحياة خلاص لقيناه ولا مصرى هايقبل إهانة
العاقل مايسبنا ف حالنا دى بلدنا منهم زهقانة
من مصر ولا حد يقرب مابقاش ولا شجب ولا إدانة
مصر راح تعلى بأولادها مش بس فلان أو فلانة
والكل هايبقى ف خدمتها دى بلدنا أرض الكنانة
مطلوب م الشعب ياخد باله فى وحوش حوالينا كتيانة
وأملها السوس يسرح فينا وحالتنا تفضل عدمانة
عاوزين الشعب يكون جاهل ويموت بالصحة الخربانة
ورغيف العيش يبقى أملنا وشوية ملح فى دكانة
يا شبابنا فوقوا وصحصحوا دى مصر فيكم عشمانة
تعالوا نبنى المجد لمصر بالحب وعيون سهرانة
- الجيزة
