أنا أتمنى أشوف الصورة.. فى ذكرى يناير مش مكسورة.. وأشوف الشعب وجوه مسرورة.. شرطة وجيش حاضنين ثوار.. أنا أتمنى نعمر بكره.. نطوى الحزن فى يوم الذكرى.. ولجل ما تكمل أجمل فكرة.. لازم بعد الثورة عمار.. لا استعجال ولا عند يفيدنا.. لازم نبنى بلدنا بإيدنا.. ولا نسمح فى الأرض بفتنة.. تطفى الشمس وتشعل نار.. أنا متأكد كل شهيد.. هيشوفنا والإيد فى الإيد.. راح يفرح وكأنه فى عيد.. وروحه هترجع للثوار..
أنا أتمنى تكون أمانيه.. حقيقية فى يوم عيد الحرية.. مش أحلام وتمر عليه.. كان عتمة ليل يمحيها نهار.. شدوا الحيل يا شباب الثورة.. وخلوا ما بين الكل مشورة.. تدعم حب وتمحى مؤامرة.. بيدبرها غريب ع الدار.. مش عايزين شك وتخوين.. ولا نسأل مين فاز على مين.. ولا ننصر غير بس الدين.. لجل الخير ما يزيد فى الدار..
مش عايزين تشكيك فى حبيب.. وعتاب لا يودى ولا يجيب.. اقلب صفحة يا شعب مهيب.. نيلك ما بيرويش أشرار.. عيد الشرطة وعيد الثورة.. عيد واحد مش عايزة مناورة.. ودا شىء يحبط أى مؤامرة.. ضد الأرض أو الثوار.. ارفعوا راية النصر الحرة.. ومهما الأيام كانت مرة.. أثبتوا إن شباب الثورة.. قادر ياخد أى قرار.
