قبل ما تحجبنى.. لازم تأكلنى وتعالجنى.. وتبنى لى بيت كويس.. ومن الضيقة دى تخرجنى.. وتعيشنى عيشة كريمة.. اعمل كده لو جدع وفرجنى!! وقبل ما تجبرنى أطلق لحيتى.. اضمن لى حياة كريمة لى ولأسرتى.. وحسسنى إنى زى البشر إنسان.. مش تفرض على شروطك.. وتسود أيامى ودنيتى!!.. وقبل ما توعظنى وتقولى.. ده حرام وده حلال.. لازم تضمنلى مستقبل العيال.. وتعالج فى الموازنة الاختلال.. وتخلينى أتقى شر السؤال.. ساعتها تكمل فرحتى!! وقبل ما تحرم شغل السياحة.. اضمن لى وظيفة لو عندك نصاحة.. مش هو كلام وبس بكبرياء ووقاحة.. وانت عارف الوقاحة مش سكتى!!
