بالدمع أبكيك يا شهيد فى كل ترنيمة ونشيد
إن كنت قريب ولا بعيد وفى كل ليلة عيد
ليك وردة وليك إفرحى يا أم الشهيد
ابنك البطل راح سعيد راح الجنة بتوب جديد
توب المسك منه فايح وف نعيم الخلد سايح
اوعى تقولى دمه رايح أو تقولى مش ح سامح
ابنك مات ودمه سايح ريح المسك منه فايح
يا ويلك يا اللى قتلت الشهيد دمه بيغلى ليوم الوعيد
بين العذاب والتنهيد بين الجحيم والزغاريد
أغلى هدية فى عيدك يا أمى قدمتها بروحى ودمى
وحياتى عندك ما تشيلى همى كفاية عندى رضاكى عنى
