أنا عايزة رئيس.. ميكونش خسيس.. ولا يكون له فى التوريث.. ولا يكون من شلة التهليس.. ولا من الفقر والجوع نموت فطيس.. ولما نصرخ يفتح علينا النار وعلى المصلين هويس.. ويحكمنا بما يرضى الله موش بأحكام إبليس.. ملك مصر زمان كان تركى وقالوا عليه خرسيس..
لكن وهو ماشى قال كرسى العرش جنب أى مصرى رخيص.. أنا عايزة ريس زى ناصر شامخ وقوى ينور بإيده الفوانيس..
يرجع لمصر عزتها وكرامتها ويشعل الأحاسيس.. كفاية 30 سنة عشنا فى قهر ومهانة وكدب وتدليس.. قالوا فى مصر حرية وهى محكومة بالوطنى وعصابة العادلى اللى فى البوليس.. إحنا هدفنا حرية وكرامة وعدالة اجتماعية.. افهموها بقى إحنا بشر موش بلاليص!!
